ရွေးကောက်ပွဲ နဲ.ပါတ်သက်လို.------

မိတ်ဆွေများ ရဲဘော်များ ခင်ဗျား

ကျွှန်တောာ်.သဘောထားကတော. န.အ.ဖ ရဲ. ၂၀၁၀ ရွေးကောက်ပွဲ ကို အသိအမှတ်မပြုပါဘူး

အပြည်.အ၀ ရာနှုံးပြည်. ကန်.ကွက်ပါတယ်။ ဒါပေမယ်. ဆရာမောင်ဝံသ ပြောပြတဲ. အချက်ကလေးတွေ ကတော.

သိထားသင်. တာမို. ဝေမျှလိုက်တာပါ။အလုပ်မရှိ အားအားယားယား လျှေက်ပွါးနေတယ် လို.လဲ မထင်ကြ ပါနဲ.။ တတ်နိုင်သမျှ လုပ်နေတာပါ။ အားလုံး အသိရှိ၍ အမြင်မှန် ဘို. အရေးကြီးပါတယ်။ သေချာ ဖတ်ပြီး လက်ဆင်.ကမ်း ပေးသင်. ပါတယ်။ အနိမ်.ဆုံး ညီအကို မောင်နှမ ဆွေမျိုး သားချင်း များကို ပြောပြပေးပါ။

မကြောက်ကြပါနဲ.။

ကျွှန်တော်. ဆရာမ တယောက်ပြော ပြဘူးသလို ပြော ရရင်

“နွံထဲ ၌ လှည်းဘီး ကျွှံနေသည် ကူ၍ တွန်းပေးကြပါ လေးလွန်း၍ မတွန်း နိုင်ဘူး လား ပြိုင်တူတွန်းရင် ရွေ.နိုင်ပါ သည်”

မတွန်း ကြရင်တော. နွံထဲ ကထွက် ရမှာ မဟုတ်ပါ။

ကိုယ်စိတ် နှစ်ဖြာ ကျန်းမာ ချမ်းသာကြပါစေ။
---------------------------------------------------------------------------------------------------------------------------
ပြည်သူတို့ သိထားရမည့် ရွေးကောက်ပွဲဆိုင်ရာ

ဆရာမောင်ဝံသ၏ အမြင်

(၂၀၁၀ ခုနှစ် ဧပြီလ ၈ ရက်နေ့ထုတ် ပေါ်ပြူလာနယူးစ် ဂျာနယ်မှာ ဖော်ပြထားတဲ့ ဆရာမောင်ဝံသရဲ့ အမြင် ဖြစ် ပါတယ်။ )

ရွေးကောက်ပွဲ ဆိုသည့် အသံကို နှစ် ၂၀ ကြာမှ တစ်ဖန်ကြားရသည်။ လက်ရှိတွင် အသက် ၃၀ နှင့် ၃၅ နှစ် ကြား ရောက်ရှိနေသော လူငယ်များပင်လျှင် ရွေးကောက်ပွဲ ဆိုသည့် ဝေါဟာရကို ယခုမှ အသိရှိ ရှိကြား သိရခြင်း ဖြစ်သည်။

ရွေးကောက်ပွဲ ဥပဒေထွက်ပြီး ပြီးချင်းပင် ရွေးကောက်ပွဲ ဝင်မည်ဟု ဆိုသော နိုင်ငံရေး ပါတီများက လျှောက်လွှာ တင်ကြသည်။ သတင်း ဂျာနယ်များ၌လည်း ရွေးကောက်ပွဲနှင့် ဆက်စပ် အကြောင်းအရာများကို ဖော်ပြကြသည်။

ပြည်သူများ၏ ရွေးကောက်ပွဲ အပေါ် စိတ်ဝင်စားမှု ရေချိန်ကို စနစ်တကျ ဆာဗေး လုပ်နိုင်ခြင်း မရှိသော်လည်း ပညာတတ် အလွှာထဲမှ အသက် ၂၀ နှင့် ၃၅ နှစ်ကြား လူငယ် ၁၅ ဦး တို့အား တွေ့ဆုံမေးမြန်း ခဲ့ရာမှာတော့ ရွေးကောက်ပွဲ ကျင်းပမည် ဆိုသည်ကို သိသည် ဆိုရုံပင်။ သူတို့အားလုံး တညီတညွတ်တည်း ဖြေဆို ကြသည်မှာ လတ်တလော အချိန်ထိ ရွေးကောက်ပွဲ ဝင်မည်ဟု ဆိုသော သူများကို ‘မသိ’ ဖြစ်သည်။

မသိ၍ မဲမပေးခြင်းက ပြဿနာ မရှိသော်လည်း မသိဘဲနဲ့ မဲပေးခြင်းကတော့ ပြဿနာ ရှိသည်ဟု ထင်သည်။ မဲဆန္ဒရှင်များက မဲပေးမည် ဆိုပါက မည်သို့သော အရည်အချင်း ရှိသူကို မဲပေးရမလဲ၊ သူတို့၏ အရည်အသွေး ကို မည်သည့် ပေတံဖြင့် တိုင်းတာ၍ အကဲဖြတ် သင့်သလဲ၊ နိုင်ငံရေး သမားဆိုတာ ဘယ်လို အရည်အချင်မျိုး ရှိသင့်တာလဲ၊ မိမိတို့ ရွေးချယ် လိုက်သော ကိုယ်စားလှယ်တို့၏ လုပ်ပိုင်ခွင့် အာဏာက ဘာလဲ။ စသည့် အချက် များကို သိရှိကြရန် လိုသည်ဟု ထင်၏။

ထို့ကြောင့် နိုင်ငံရေး ဆောင်းပါးများကို အထူးပြု ရေးသားနေသူ စာရေးဆရာ မောင်ဝံသအား အထက်ပါ အကြောင်း အရာများနှင့် ပတ်သက်၍ တွေ့ဆုံ မေးမြန်း ခဲ့သည်များကို တင်ပြ လိုက်ပါသည်။ (သတင်းအဖွဲ့)

ဘယ်လိုအရည်အသွေးရှိသူတွေကို မဲပေးသင့်မလဲ

၂၀၁၀ ရွေးကောက်ပွဲဟာ ၂၀၀၈ အခြေခံ ဥပဒေ အရဆိုရင် ပြည်သူ့လွှတ်တော် ရှိမယ်၊ အမျိုးသား လွှတ်တော် ရှိမယ်။ နှစ်ခုပေါင်းတဲ့ ပြည်ထောင်စု လွှတ်တော်ရှိလာမယ်။ ရွေးကောက် ခံရသူတွေရဲ့ အဓိက တာဝန်ဟာ မဏ္ဍိုင်ကြီး ၃ ခုဖြစ်တဲ့ ဥပဒေပြု မဏ္ဍိုင်ရယ်၊ အုပ်ချုပ်ရေး မဏ္ဍိုင်ရယ်၊ တရားစီရင်ရေး မဏ္ဍိုင်ရယ် ဆိုပြီး ရှိတဲ့ အထဲမှာ သူက ဥပဒေပြု မဏ္ဍိုင်နဲ့ပဲ သက်ဆိုင်တယ်။ အဓိက တာဝန်က အောက်လွှတ်တော်ပဲ ဖြစ်ဖြစ်။ အထက် လွှတ်တော် အမတ်ပဲ ဖြစ်ဖြစ် ရွေးချယ်ခံရပြီ ဆိုရင် ဥပဒေပြုရတဲ့ တာဝန်ကို အဓိက ပါဝင် ဆောင်ရွက်ရမယ်။ ဥပဒေပြုတယ် ဆိုတာလည်း တိုင်းပြည်အတွက် သင့်တော်မယ့် ဟာတွေကို ရှာကြံပြီး လုပ်ရပါတယ်။ ဥပမာ ယစ်မျိုး ခွန်တွေကို အခုထက် ပိုပြီး ကောက်ခံသင့်တဲ့ အကြောင်း၊ ဒါမှ မဟုတ်ရင်လည်း ဘယ်အခွန်က ကောက်သင့်တယ်၊ ဘယ်အခွန်က ပယ်သင့်တယ် ဆိုတာမျိုး။ ကုန်ထုတ်လုပ်မှု တိုးတက်မှု လုပ်ငန်းရှင်တွေကို အားပေးတဲ့ အနေနဲ့ အခွန် လျှော့သင့်တဲ့ အကြောင်း စသည်ဖြင့်ပေါ့။ သက်ဆိုင်တဲ့ ဥပဒေတွေကို သူကိုယ်တိုင် တင်ဖို့ တာဝန်လည်း ရှိတယ်၊ တင်နိုင်ရမယ်။ တခြားသူက တိုင်းပြည်အတွက် ကောင်းမယ် ထင်တဲ့၊ အကျိုးရှိမယ့် ဥပဒေတွေ တင်ရင်လည်း ထောက်ခံရမယ်။ မကောင်းရင်လည်း ပယ်နိုင်ရမယ်၊ ကန့်ကွက် နိုင်ရမယ်။ အချက်အလက် ပိုင်ပိုင် အသိဥာဏ်ရှိရှိနဲ့ ဆွေးနွေးနိုင်တဲ့သူ ဖြစ်ရမယ်။ အဲဒီတော့ အဲဒီလို အရည်အချင်းတွေ ရှိရမယ်။ နောက်တစ်ခါ မဲခွဲဖို့ လိုအပ်လာရင်လည်း မှန်တဲ့ဘက်ကို မဲပေးနိုင်သူ ဖြစ်ရမယ် ဆိုတော့ အဲဒီ့မှာ ဘာသွားတွေ့လည်း ဆိုတော့ အရည်အချင်းက သာမန်အရပ်သူ၊ အရပ်သား၊ သာမန် ရောင်းဝယ်ရေး သမား၊ စားဝတ်နေရေး အတွက် လုံးပန်းနေသူတွေ တိုင်းရေး ပြည်ရေးကို သိပ်မစဉ်းစားကြဘူး။ စားဝတ်နေရေးပဲ ကိုယ့်အလုပ်ကို ဒီကိုယ်စားလှယ်တွေကို လွှဲထားတာ။ ကောင်းတဲ့ကိစ္စတွေကို ခင်ဗျားတို့လုပ်ပါ၊ ဆွေးနွေးပါ၊ မဲပေးစရာရှိ ပေးပါဆိုပြီး လွှဲထားတာ။ အဲဒီ လွှဲထားတဲ့ တာဝန်ကျေအောင်က သာမန် တိုင်းသူပြည်သား ထက် သူ့မှာ အသိဥာဏ်ပို ရှိရမယ်။ အသိဥာဏ် ရှိဖို့ဆို လေ့လာ ဆည်ပူး ထားရမယ်။ တိုင်းပြည်အတွက် ဥပဒေပြုတာနဲ့ ပတ်သက်လို့ ဘယ်လိုဥပဒေတွေ တင်သင့်တယ်၊ ဖြစ်သင့်တာကို ထောက်ခံရမယ်၊ မဖြစ်သင့်တာကို ကန့်ကွက်သင့်တယ်။ ဒါတွေကို ပိုင်းခြား ဝေဖန်နိုင်တဲ့ ဓါတ်ခံ သူ့မှာရှိရမယ်။ ဘယ်ဟာမှားလဲ၊ ဘယ်ဟာမှန်လဲ ဆိုတာကို ပိုင်းခြား ဝေဖန်နိုင်တဲ့ အသိဥာဏ်ပေါ့။ နောက်တစ်ခါ နိုင်ငံရေး ဆောင်ရွက်တဲ့သူမှာ အဓိက အကျဆုံးက သူ့မှာ ရိုးသားမှု ရှိရမယ်။ သူ့ရဲ့နောက်ကြောင်း ရာဇဝင်တွေ၊ သမိုင်းတွေမှာ သူဟာ အဂတိ လိုက်စားတာတို့၊ မတော်မတရား လုပ်တာတို့၊ မကောင်းတဲ့ အသက်မွေး ဝမ်းကျောင်း လုပ်တာတို့ အဲဒါမျိုးတွေ မဖြစ်သင့်ဘူး။ စံနမူနာ ပုဂ္ဂိုလ် တစ်ယောက် ဖြစ်ရမယ်။ အဲဒီတော့ အသိဥာဏ် အရည်အချင်းပိုင်းမှာ မှား၊ မှန်၊ ကောင်း၊ ဆိုး ခွဲခြား နိုင်သူဖြစ်ရမယ်။ နောက်တစ်ခါ ပုဂ္ဂိုလ်အနေနဲ့ နောက်ကြောင်း သမိုင်းတွေ ရှင်းသူ ဖြစ်ရမယ်။ ပြည်သူလူထု ကောင်းကျိုးအတွက် ရပ်တည်သူ ဖြစ်ရမယ်။ အာဏာရှိတဲ့သူတွေ၊ ကိုယ့်ကို အကျိုးပြုနိုင်သူတွေရဲ့ မျက်နှာကို မကြည့်ဘဲနဲ့ ပြည်သူကိုပဲ ကြည့်ရမယ်။ အဂတိတရား လေးပါးရှိတယ်။ ဆန္ဒာဂတိ၊ ဘယာဂတိ၊ မောဟာဂတိ၊ လောဘဂတိ ဆိုပြီး ရှိတယ်။ လောဘကြောင့်လည်း မှားတယ်။ ဆန္ဒစွဲကြောင့် ဒါတော့ ငါ့ဆရာ၊ ငါ့အဖွဲ့အစည်း ဆိုပြီး ငါတော့ ထောက်ခံလိုက်မယ်၊ မတည့်တဲ့သူမို့ ကန့်ကွက်လိုက်မယ် ဆိုတဲ့ အဲဒီလို ဆန္ဒစွဲနဲ့ သူက မှားတာတွေရှိတယ်။ မောဟဂတိ ဆိုတာက အမှားအမှန် မခွဲခြားနိုင်တဲ့ ဟာတွေ ကိုလည်း ပယ်ရှားနိုင်ရမယ်။ လူဟာ အဂတိ လေးပါးစလုံး ကင်းစင်ဖို့တော့ မဖြစ်နိုင်ဘူး။ ဒါတွေကို နည်းနိုင်သမျှ နည်းရမယ်။ လွှတ်တော် ကိုယ်စားလှယ် တစ်ယောက်ဟာ အဲသလို အရည်အချင်းတွေ ရှိဖို့ လိုအပ်တယ်။

ဆရာပြောတဲ့ အရည်အသွေးမျိုး ရှိ၊မရှိ ပြည်သူက ဘယ်လိုသိနိုင်မလဲ

ပြည်သူတွေကတော့ လူသတင်း လူချင်းဆောင်၊ ပန်းသတင်း ပန်းချင်းဆောင်ပေါ့။ လူတစ်ယောက်ဟာ ဆိုးတာရော၊ ကောင်းတာရော ရှိတယ်။ ဆိုးတာ ကောင်းတာ ဘာမှ မသိရတဲ့ သူက သာမန် ဖြစ်သွားပြီး။ လူတစ်ယောက်ဟာ နိုင်ငံရေး လုပ်ပြီဆို တစ်ယောက်တည်း လုပ်လို့ မရဘူး။ အများနဲ့လုပ်ရတာ။ သူ စည်းရုံး ရမယ်။ ထောက်ခံအောင် လုပ်ရမယ်။ ပြည်သူလူထု အတွက် ကောင်းတာတွေ လုပ်ပေးမယ်ဆိုပြီး ကတိတွေ ပေးတာ၊ အဲဒီလောက် လုပ်နေတာတောင် သူ့အကြောင်းကို ကောင်းတာလည်း မသိဘူး၊ ဆိုးတာလည်း မသိဘူးဆိုရင် မျှော်လင့်ချက် မရှိတော့ဘူး။ ဒါဆို သာမန်လူ ဖြစ်သွားပြီ။ သာမန်လူတစ်ယောက်က သူအခန်း ကဏ္ဍ ရှိကို မရှိတော့ဘူး။ သူ့ရဲ့ ရပ်ရွာ၊ မြို့နယ်က အပေါင်းအသင်း၊ ဆွေမျိုး သားချင်းတွေဆီက သိကို သိရမယ်။ သူ့ရဲ့ သဘောထား ထုတ်ပြန်ချက်တွေကို ကြည့်ရမယ်။ သူ့သတင်းကိုလည်း နားထောင်ရမယ်။ တိုင်းသူ ပြည်သားဘက်က ပြောမယ်ဆိုရင် ကိုယ့်မဲဟာ အင်မတန် တန်ကြေးရှိတယ်။ သူများပြောတိုင်း မျက်စိမှိတ်ပြီး မယုံသင့်ဘူး။ အမြဲတမ်း မျက်စိဖွင့်ထားပါ။ နားကိုလည်း စွင့်ထားပါ။ အရွေးချယ်ခံမယ့် လူနဲ့ သူအဖွဲ့အစည်းရဲ့ ကောင်းသတင်း၊ ဆိုးသတင်းကို တတ်နိုင်သမျှ စုံစမ်းပါ။ ဘာမှ လေ့လာစုံစမ်းမှု မရှိဘဲ ဘယ်သူကိုပဲ ထည့်လိုက်ပါ။ ဘယ်အမှတ် တံဆိပ်ကို ထည့်လိုက်ဆိုပြီး သူများပြောတိုင်း လိုက်ထည့်တာမျိုး လုံးဝ မလုပ်ကြပါနဲ့။ အမှား အမှန်၊ အကောင်း အဆိုး ဝေဖန်ပြီး လုပ်ကြဖို့ ကျွန်တော် တိုက်တွန်းချင်တယ်။

ရွေးကောက်ပွဲ အကြိုကာလမှာ လူထုကို ပြောတာတစ်မျိုး၊ အာဏာ ရလာတော့ တစ်မျိုး လုပ်တဲ့ သူတွေရော မြန်မာ့သမိုင်းမှာ ရှိခဲ့ဖူးလား။

အာဏာရတယ် ဆိုတာက အခု ပေါ်လာမယ့် လွှတ်တော်မှာ အာဏာပြဿနာ မရှိဘူး။ ပေါ်ပြူလာ နယူးစ်မှာပဲ ကျွန်တော် ရေးပြီးပြီ။ နောက်ဆုံးရေးတဲ့ ဆောင်းပါးပါ။ အခု ကျွန်တော်တို့ ပြောနေတဲ့ ကိစ္စက လွှတ်တော် ကိုယ်စားလှယ် ဆိုတာဟာ အာဏာကို ကျင့်သုံးနိုင်တဲ့ သူ မဟုတ်ဘူး။ အာဏာ ဘာမှ မရှိဘူး။ အဲဒါကို ရှင်းလင်း နေဖို့လိုတယ်။ နောက်တော့ လွှတ်တော်ပေါ်လာမယ်။ ဥပဒေ ပြဋ္ဌာန်းတဲ့ အခါမှာ တိုင်းသူ ပြည်သား စိတ်မချမ်း မသာ ဖြစ်စေမယ့် ဥပဒေတွေ ရှိရင်လည်း ရှိလာမယ်။ အဲဒီ ပြဋ္ဌာန်းချက်မျိုးကို လွှတ်တော်ထဲမှာ ဆွေးနွေးတဲ့ အခါ ကိုယ့်မြို့နယ်က ရွေးကောက်ထားတဲ့ လွှတ်တော် ကိုယ်စားလှယ်က မတရားတဲ့ ပြဋ္ဌာန်းချက်ကို ထောက်ခံရင် ပြည်သူ လူထုက စိတ်ဆိုးမှာပဲ။ ငါတို့ နစ်နာမယ့် ဥပဒေမျိုးကို ငါ့တို့ ကိုယ်စားလှယ်က ဘာလို့ ထောက်ခံတာလဲ ဆိုပြီး အဲဒီလို လူမျိုးကို ပြည်သူလူထုက ဆုံးမလို့ ရတာက သတ်မှတ်ထားတဲ့ ရာခိုင်နှုန်း ပြည့်အောင် လက်မှတ်တွေထိုး၊ ပြန်ခေါ်တာပေါ့။ သူ့ကို ဖြုတ်ချပါတော့ ဆိုပြီး recall လုပ်လို့ရတယ်။ တောင်းဆိုလို့ ရတယ်။ ဒီမှာကတော့ ဒါပဲ။ သူ့ရဲ့ အဓိက တာဝန်က ဥပဒေပြုတဲ့ အခါမှာ ပါဝင် ထမ်းဆောင်ဖို့ပဲ။

နိုင်ငံရေး သမားကောင်း တစ်ယောက်ရဲ့ စံနှုန်းကရော။

နိုင်ငံရေး သမားကောင်းရဲ့ စံနှုန်းက နံပါတ်တစ်က ရိုးသားမှုပေါ့။ နောက်တစ်ခုက ပြည်သူလူထုရဲ့ မျက်နှာကို ကြည့်ရမယ်။ ဒါက စာရိတ္တပိုင်းနဲ့ ပတ်သက်လို့ပေါ့။ နောက် အရည်အချင်းပိုင်း နဲ့ဆို သာမန်သူတွေထက် အကြားအမြင် နှံ့စပ်ရတယ်။ မြန်မာ့အရေး၊ ကမ္ဘာ့အရေးတွေ နှံ့နှံ့စပ်စပ် သိထားရမယ်။ ကမ္ဘာကြီးနဲ့ ကိုယ့်နိုင်ငံမှာ ဘာဖြစ်နေတယ် ဆိုတာ မသိတဲ့သူ တစ်ယောက်က ပြည်သူ့ ကိုယ်စားလှယ် မဖြစ်သင့်ဘူး။ ပြည်သူ လူထုရဲ့ စားဝတ်နေရေး၊ ပညာရေးနဲ့ ကျန်းမာရေး အဲဒါတွေကို သာမန်သူတွေထက် ပိုသိရမယ်။ တိုင်းပြည်မှာ ပညာရေးက နိမ့်နေလား၊ မြင့်နေလား၊ နိမ့်နေရင် ဒီပညာရေး စနစ်ကို ဘယ်လိုလုပ်ရင် ကောင်းမလဲ ဆိုတာမျိုး၊ ကိုယ်ပိုင် အိုင်ဒီယာလည်း ရှိရမယ်။ သူဖတ် မှတ်ထားတာတွေ၊ တွေ့ဆုံမေးမြန်း ထားတာတွေ၊ သူ့မှာ အမြင်ကျယ်ပြန့်မှု ရှိရမယ်။ ဒီတိုင်းပြည် အတွက် ကောင်းရာ ကောင်းကြောင်းလုပ်ဖို့ အမြင်တွေ ရှိရမယ်။ ဒါကြောင့် နိုင်ငံရေး သမားကောင်း တစ်ယောက်ဟာ တိုင်းပြည်ရဲ့ စီးပွားရေး၊ လူမှုရေး အပြင် ကိုယ့်တိုင်းပြည် အကြောင်း၊ ကိုယ့်လူမျိုး အကြောင်း ကောင်းကောင်း နားလည်ရမယ်။ နားလည် အောင်လည်း ကြိုးစား ထားရမယ်။ နိုင်ငံရေး သမားကောင်း တစ်ယောက်ဟာ သာမန်အဆင့်ထက် မြင့်တဲ့ အထွေထွေ ဗဟုသုတ၊ အမြော်အမြင် ရှိရမယ်။

ပြည်သူကို ဘာများ ထပ်ပြောချင်ပါသလဲ။

ပြည်သူ လူထုဟာ မိမိရဲ့ ဆန္ဒမဲကို တော်တော် တွန့်တိုဖို့ လိုတယ်။ ပြီးပြီးရော မဖြစ်စေရဘူး။ မဲကို သူများ ပြောတိုင်း ဘယ်တံဆိပ်ကို ပေးပါ၊ ဘယ်သူ့ကို ထည့်လိုက်ပါ ဆိုတာနဲ့ “ဟယ် အများက ထည့်လိုက်ရင်တော့ ငါတော့ ဒီလိုပဲ ထည့်ရမှာပဲ” ဆိုတဲ့ စိတ်မျိုးတော့ ဘယ်လိုမှ မမွေးပါနဲ့လို့ ပြောချင်တယ်။ ဘယ်လိုပဲဖြစ်ဖြစ် တကယ် ပေးသင့် ပေးထိုက်တဲ့ သူကိုပဲ မဲပေးပါ။ အမှတ်တံဆိပ် ဆိုလည်း အမှတ်တံဆိပ်။ လူပုဂ္ဂိုလ်ဆိုလည်း လူပုဂ္ဂိုလ်ပေါ့။ အဲဒီလို ကိုယ့်စိတ်ကြိုက် ပေးတဲ့ အတွက် ဘာမှ ကြောက်စရာ မလိုဘူး။ ကျွန်တော်တို့ တိုင်းပြည်မှာ ပြည်သူလူထုရဲ့ နံပါတ်တစ် အကြီးဆုံး ပြဿနာက ဘာလဲဆိုတော့ လူတွေက ကြောက်နေ ကြတာ။ ဘာကို ကြောက်နေမှန်းလည်း မသိဘူး။ ဘယ်သူ့ကို ကြောက်နေလဲလို့ မေးရင်လည်း မပြောရဲဘူး။ အဓိက ပြဿနာက ဒါပဲ။ မကြောက်ပါနဲ့လို့ ပြောချင်တယ်။

မောင်ဝံသ