ကောဇာသက္ကရာဇ် ၁၃၇၂ ခုနှစ် နယုန် လပြည်.ကျော် ၁ ရက်
လူရေးလှသူ မလှသူ
အမိမြေနှင့်
မျိုးဆွေကျောခိုင်း၊ တစ်ပါးတိုင်းဝယ်
ရုပ်ပိုင်းပြည်.စုံ၊ ကုံလုံဖြိုးအစ်
စီးပွားဖြစ်လည်း
အမြစ်ခြားနား၊ ဗျိုင်းတို့ကြားဝယ်
ကျီးသားသဖွယ်၊ လူရေးငယ်ဘိ ။
အမိမြေ၀ယ်
အနေဆင်းရဲ၊ မွဲချင်မွဲစေ
ဒါပဲ ငါ့ပြေ (ပြည်)၊ ဒါ ငါ့မြေတည့်
ဆိုးမွေကောင်းမွေ၊ မျှဝေကြည်ဖြူ
ငါ့ပြည်သူနှင့်
ဒိုးတူပေါင်းဖက်၊ စိတ်လက်ညီညီ
သည်ရေကြည်နား
သည်မြေဆီစား
အားပါးတရ၊ လူရေးလှ၏ ။
ဒီကဗျာလေး ဟာ ဆရာညွန်.ဝေ (ကသာ) ရဲ. စိတ်ပြူတင်း ကဗျာ စာအုပ်ထဲကပါ။ ကဗျာ လေးဖတ်ပြီး ဒီ Post လေး ကိုရေးဖို. အတွေးပေါ်လာ တာနဲ. တင်ပြပေးလိုက်ပါတယ်။ သဘောခြင်းမတိုက်ဆိုင် မကြိုက် သူတို.ကတော. ဆန္ဒရှိ သလို တုံ.ပြန်နိုင်ကြောင်းပါ။
ကျွန်တော်တို.တစ်တွေ အကြောင်းအမျိုးမျိုး နဲ. အမိမြေနဲ. ဝေးရာမှာလာနေ ကြရတယ်။ ကျွန်တော်ကတော. ဗမာပြည် မှာကလွဲလို. ဘယ်မှာမှမပျော်ဘူး။ ကျွန်တော်.မိတ်ဆွေများ အများစုလဲ ကျွန်တော်.လိုပဲတွေးမိကြမယ် ထင်ပါတယ်။ ဒါပေမယ်. စိတ်မကောင်းစရာ တစ်ခုက တစ်ချို.သော မြန်မာ များဟာ ဗမာပြည်ကိုပြန်ဘို. စိတ်မကူးကြတော.ဘူး။ တစ်ချို.က အမိမြေနဲ.ဝေး ရာကို ဦး တည်နေကြတယ်။ ရေကြည်ရာမြက်နုရာ ဆိုတဲ.စကားကိုကျွန်တော် လက်ခံပါတယ်။ ကျွန်တော် ကိုယ်တိုင်ပင်လျင် ရေကြည်ရာ လာပြီး ရေလာခပ်နေရတာပဲ။ ကိုယ်. ဗမာပြည်မှာရေရှားနေတာကိုး။ ဒီလိုသာဆိုရင် ကိုယ်.တိုင်းပြည် မှာ ရေကြည် အောင် မြက်နုအောင် ဘယ်သူတွေ လုပ်ကြမလဲ။ ဒါကြောင်.လဲ အများသိပြီးသား ဆရာဇော်ဂျီရဲ. ကဗျာလေး တွေ ကို ကျွန်တော် ပြန်တင်ပြပေးခဲ.တာပါ။
ဘယ်လောက်ပဲ ဆင်းရဲနေပါစေ ဘယ်လောက်ပဲ ဘဝတွေ ခက်ခဲကြမ်းတမ်းနေပါစေ ဘယ်သူ.ကြောင်.ပဲဖြစ်ဖြစ် အမိမြေဟာ အမိမြေပါပဲ။ ဒီ အမိမြေ ကရေကြည်ကိုသောက် ဒီ အမိမြေ ရဲ. မြေဆီလွှာကို စားပြီး ခွန်အားတွေအပြည်. အသိပညာတွေအပြည်. နဲ. ကျွန်တော်တို. လာခဲ.ကြတာမဟုတ်ပါလား။ တစ်ချို. က မေးလာကြတယ် ဒီအခြေအနေနဲ. ဘာပြန်လုပ်စားကြမလဲ တဲ.။ ဟုတ်ကဲ. ဒါဆို ပြန်လို.ရတဲ.အခြေအနေ ဖြစ်အောင် လုပ်ဖို. ဘယ်သူတွေ မှာတာဝန်ရှိပါသလဲ။ ဆရာဇော်ဂျီ ရဲ. ကဗျာလေးပဲ ထပ် ညွှန်းရရင်
--------------
သူကစ၍၊ ငါကအားလုံး၊ လက်ရုံးမြားမြောင်၊ ဥာဏ်မြားမြောင်နှင်.
စွမ်းဆောင်ကြလေ၊ ဆောင်ကြလေလော.၊ ဤမြေဤရွာ၊ ဘယ်သူ.ရွာလည်း
ဤရွာစပါး၊ ဘယ်သူ.စပါးလည်း
ထားလော.တာဝန်၊ ပွန်လော. လုပ်ငန်း
ဥာဏ်ရှေ.ပန်း၍၊ တစ်ဝမ်းတစ်စိတ်၊ ညီစေသတည်း။
အချိန်တန်ရင် အိမ်ပြန်ကြရအောင် ကျွန်တော်တို. ကြိုးစားကြပါစို.
ယုံကြည်ချက် အပြည်. နဲ. တစ်စိတ် တစ်ဝမ်းကြိုးစားကြ မယ်ဆိုရင် မကြာခင် ကျွန်တော်တို.
ပြည်တော်ဝင်ကြရမှာ သေချာပါတယ်။
လူရေးလှစွာ ပြည်တော်ဝင်ဖို. ခုကစပြီးကြိုးစားကြပါစို.
No comments:
Post a Comment